અમેરિકાના ફ્લોરિડામાં પશ્ચિમ કિનારે પહોંચેલા વાવાઝોડા ઈયાન એ વિકરાળ સ્વરૂપ ધારણ કર્યું છે. સમાચાર એજન્સી પીટીઆઈએ આગાહી કરનારાઓને ટાંકીને આ માહિતી આપી છે. વાસ્તવમાં તોફાને ક્યુબામાં પણ ભારે તબાહી મચાવી હતી. ઇયાન 27 સપ્ટેમ્બરે ક્યુબાના પશ્ચિમ કિનારે પછાડ્યો હતો. આ તોફાન કેરેબિયન સમુદ્રમાંથી ઉદ્દભવ્યું હતું. હવે તે અમેરિકાના ફ્લોરિડા તરફ આગળ વધી રહ્યું છે. અગાઉ ક્યુબામાં તોફાન દરમિયાન 205 કિમી પ્રતિ કલાકની ઝડપે પવન ફૂંકાયો હતો. અહીં ભારે પવન સાથે વરસાદ પડ્યો હતો. જેના કારણે સમગ્ર દેશમાં વીજળી ડૂલ થઈ ગઈ હતી. કહેવામાં આવી રહ્યું છે કે વાવાઝોડાને કારણે અત્યાર સુધીમાં લગભગ એક કરોડ લોકોનું જીવન પ્રભાવિત થયું છે.
એવી આશંકા છે કે, હરિકેન ઇયાન 1921માં ટાર્પોન સ્પ્રિંગ્સ હરિકેન કરતાં વધુ વિનાશનું કારણ બની શકે છે. તેને જોતા ફ્લોરિડામાં લોકોને એલર્ટ કરી દેવામાં આવ્યા છે. લોકોને તેમના ઘર છોડીને સલામત રીતે જવા માટે કહેવામાં આવ્યું છે.
નેશનલ હરિકેન સેન્ટરે કહ્યું કે તે કેટેગરી 3નું તોફાન છે. તે શ્રેણી 4 માં પણ બદલાઈ શકે છે. જેના કારણે ફ્લોરિડામાં ભારે વરસાદ પડી શકે છે. ફ્લોરિડામાં એક સપ્તાહની ઈમરજન્સી જાહેર કરવામાં આવી છે. તોફાનની અસર રાજધાની ટેમ્પા અને સેન્ટ પીટર્સબર્ગમાં વધુ જોવા મળી શકે છે.
