ગ્રામ્ય વિસ્તારના સ્વચ્છતા સર્વેક્ષણમાં પાટણ જિલ્લો સતત ત્રીજા વર્ષે રાજ્યમાં પ્રથમક્રમે

ગ્રામ્ય વિસ્તારના સ્વચ્છતા સર્વેક્ષણમાં પાટણ જિલ્લો સતત ત્રીજા વર્ષે રાજ્યમાં પ્રથમક્રમે ભારત સરકાર દ્વારા તાજેતરમાં કરેલા સ્વચ્છતા સર્વેક્ષણનું પરિણામ જાહેર કર્યું છે . જેમાં ગ્રામ્ય વિસ્તારોના સર્વેમાં પાટણ જિલ્લાએ સતત ત્રીજી વખત રાજ્યમાં પ્રથમ ક્રમે આવીને હેટ્રિક લગાવી છે સાથે રાષ્ટ્રીય કક્ષાએ 15 મો નંબર પ્રાપ્ત કર્યો છે . દેશના સૌ પ્રથમ નંબરે આવેલ હરિયાણાના ભીવાની જિલ્લા કરતા પાટણ જિલ્લો માત્ર 13 માર્કશથી દૂર રહ્યો છે . સ્વચ્છ સર્વેક્ષણ ગ્રામીણ -2021 ના ભાગરૂપે કેન્દ્રની ટીમ દ્વારા પાટણ જીલ્લાના તમામ તાલુકામાંથી સ્વતંત્ર રીતે રેન્ડમલી ગામોને પસંદ કરી સર્વેક્ષણ હાથ ધર્યું હતું . સર્વેક્ષણમાં ગામના જાહેર સ્થળો જેવા કે શાળા , આંગણવાડી , આરોગ્ય કેન્દ્ર , મુખ્ય બજાર , ધાર્મિક સ્થળોની સ્થળ મુલાકાત કરી સ્વચ્છતા લગત મૂલ્યાંકન કર્યું હતું . ગામમાં 100 % વ્યકિતગત શૌચાલય અને તેના ઉપયોગની પણ ચકાસણી કરી હતી . વધુમાં ગામમાં ઘન અને પ્રવાહી કચરાના વૈજ્ઞાનિક ઢબે નિકાલની વ્યવસ્થાના ભાગરૂપે બાંધકામ કરેલ સેગ્રીગેશન શેડ , સામુહિક કમ્પોસ્ટ પીટ , શોકપીટ , ગટર વ્યવસ્થા , સામુહિક શૌચાલયની રૂબરૂ મુલાકાત કરી મોબાઈલ એપ્લીકેશન દ્વારા જીઓ ટેગ કરી સર્વેક્ષણ હાથ ધર્યું હતું . આ સર્વેક્ષણમાં પાટણ જિલ્લાએ રાજ્યમાં પ્રથમ તથા દેશમા 15 મો ક્રમાંક પ્રાપ્ત કરેલ છે . ભારત સરકારના જળ શક્તિ , પેય જળ અને સ્વચ્છતા મંત્રાલય દ્વારા સ્વચ્છ સર્વેક્ષણ ગ્રામીણ ( SSG ) ” 2018 માં શરૂ કર્યું હતું . જે વર્ષમાં જિલ્લો સમગ્ર રાજ્યમાં પ્રથમ અને વેસ્ટર્ન ઝોનમાં દ્રિતીય અને સમગ્ર ભારત દેશમાં ચોથા ક્રમાંકે , તેવી જ રીતે વર્ષ 2019 માં પણ રાજ્યમાં અને વેસ્ટર્ન ઝોનમાં પ્રથમ ક્રમાંક હાંસલ કરેલ હતો . આમ સતત 3 વર્ષથી સ્વચ્છ સર્વેક્ષણ ( ગ્રામીણ ) પ્રતિયોગિતામા પાટણ જિલ્લો ગુજરાતમાં પ્રથમ સ્થાન મેળવી સમગ્ર રાજ્યને ગૌરવંતીત 11 કરેલ છે . જિલ્લા વિકાસ અધિકારી ડી . એમ . સોલંકી , જિલ્લા ગ્રામ વિકાસ એજન્સીના નિયામક ભરત જોષી અને જિલ્લા કો . ઓર્ડીનેટર દિલીપ ચૌહાણના માર્ગદર્શન હેઠળ તાલુકા વિકાસ અધિકારીઓ , સ્વચ્છ ભારત મિશનના કર્મીઓ ઉપરાંત સરપંચો , તલાટીઓ દ્વારા ઉત્કૃષ્ઠ કામગીરીના લીધે સતત ૩ વર્ષ સુધી પ્રથમ ક્રમાંક જાળવી રાખેલ છે અને સ્વચ્છ ભારત મિશન ફેઝ -૨ અંતર્ગત ODF + ની કામગીરી વેગવંતી બનાવી છે