દિલ્હીમાં ઓક્ટોબરના પ્રથમ 10 દિવસમાં 121.7 મીમી વરસાદ નોંધાયો હતો, જે 16 વર્ષમાં બીજા નંબરનો સૌથી વધુ વરસાદ છે. ભારતીય હવામાન વિભાગ (IMD)એ આ માહિતી આપી છે. આ વર્ષે ઓક્ટોબરમાં અત્યાર સુધીનો વરસાદ ચોમાસાનો સૌથી વરસાદી મહિનો, ઓગસ્ટમાં નોંધાયેલા વરસાદ (41.6 ml) કરતાં ત્રણ ગણો વધુ છે. રાષ્ટ્રીય રાજધાનીમાં ગયા વર્ષે ઓક્ટોબરમાં 122.5 મીમી વરસાદ નોંધાયો હતો. ઓક્ટોબરમાં સામાન્ય રીતે માત્ર 28 મીમી વરસાદ પડે છે.
દિલ્હીમાં વર્ષ 2020, 2018 અને 2017માં વરસાદ પડ્યો ન હતો જ્યારે 2019માં 47.3 મીમી વરસાદ નોંધાયો હતો. છેલ્લા ત્રણ દિવસમાં વરસાદ છેલ્લા ત્રણ અઠવાડિયામાં આટલો લાંબો સમય બીજી વખત વરસાદ પડ્યો છે. દિલ્હીમાં આ વર્ષે 790 મીમી વરસાદ નોંધાયો છે. શહેરમાં સપ્ટેમ્બરમાં સરેરાશ 125 મીમી કરતાં 31 ટકા વધુ વરસાદ નોંધાયો છે. અહીં નોંધનીય છે કે આ વર્ષે દેશભરમાં મોટાભાગના વિસ્તારમાં વરસાદ સારો રહ્યો હતો. ચોમાસાની શરૂઆત મોડી થાય છે તેમ પાછોતરો વરસાદ પણ વધુ પડી રહ્યો છે. વેસ્ટર્ન ડિસ્ટબન્સને કારણે વરસાદની સીઝન મોડી શરૂઆત થાય છે. જો કે દેશના અનેક રાજ્યોમાં વરસાદની ઋતુમાં સોળ આની વરસાદ પડ્યો હતો. ગુજરાત, મહારાષ્ટ્ર, રાજસ્થાન, દિલ્હી સહીત બિહાર અને કર્ણાટકમાં પણ વરસાદ સારો એવો પડ્યો હતો.
