PM મોદી 16 ઓક્ટોબરે 75 ડિજિટલ બેન્કિંગ યુનિટ્સ (DBUs) રાષ્ટ્રને સમર્પિત કરશે. વડા પ્રધાન કાર્યાલયે એક નિવેદનમાં જણાવ્યું હતું કે, 2022-23 માટે કેન્દ્રીય બજેટ ભાષણમાં, નાણામંત્રીએ દેશની આઝાદીના 75 વર્ષની ઉજવણી માટે દેશના 75 જિલ્લાઓમાં 75 DBUની સ્થાપના કરવાની જાહેરાત કરી હતી. DBUની સ્થાપના દેશના દરેક ખૂણે-ખૂણે ડિજિટલ બેંકિંગના લાભો પહોંચાડવાના ઉદ્દેશ્ય સાથે કરવામાં આવી રહી છે. આ યોજના તમામ રાજ્યો અને કેન્દ્રશાસિત પ્રદેશોને આવરી લેશે. 11 જાહેર ક્ષેત્રની બેંકો, 12 ખાનગી ક્ષેત્રની બેંકો અને એક નાની ફાઇનાન્સ બેંક આ મિશનમાં ભાગ લઈ રહી છે.
શું કરશે DBU
DBU નાના બહુ-ઉપયોગી આઉટલેટ્સ હશે જે વિવિધ પ્રકારની ડિજિટલ બેંકિંગ સુવિધાઓ પ્રદાન કરશે. સેવિંગ્સ એકાઉન્ટ ખોલવું, બેલેન્સ ચેક કરવું, પાસબુક પ્રિન્ટ કરવી, ફંડ ટ્રાન્સફર, ફિક્સ્ડ ડિપોઝિટ, લોન એપ્લિકેશન, જારી કરાયેલા ચેક માટે સ્ટોપ-પેમેન્ટ સૂચનાઓ, ક્રેડિટ/ડેબિટ કાર્ડ એપ્લિકેશન, એકાઉન્ટ સ્ટેટમેન્ટ જુઓ, ટેક્સ અને બિલ પેમેન્ટ અને નોમિનેશન આવી સેવાઓ અહીં ઉપલબ્ધ હશે.
ડિજિટલ નાણાકીય સાક્ષરતાને પ્રોત્સાહન મળશે
DBU ગ્રાહકોને સમગ્ર વર્ષ દરમિયાન બેંકિંગ ઉત્પાદનો અને સેવાઓનો ઉપયોગ કરવા માટે સુવિધા આપશે. ડિજિટલ બેંકિંગ એકમો નાણાકીય સાક્ષરતા ફેલાવશે. બેંકિંગની ડિજિટલ પદ્ધતિઓને પ્રોત્સાહન આપીને, તે ગ્રાહકોને સાયબર સુરક્ષા અંગે જાગૃત કરવામાં મદદરૂપ સાબિત થશે.
ગ્રાહકોની ફરિયાદોનું નિરાકરણ કરી શકાય છે
સેવાઓ DBU દ્વારા સીધી અથવા બિઝનેસ સર્વિસ પ્રોવાઈડર દ્વારા પૂરી પાડવામાં આવશે. ગ્રાહકોની ફરિયાદોના નિરાકરણ માટે સિસ્ટમ પાસે પૂરતી ડિજિટલ મિકેનિઝમ હશે. તે સુનિશ્ચિત કરવામાં આવશે કે ગ્રાહકોને કોઈ નુકસાન ન થાય અને તેમને તમામ સેવાઓનો લાભ ઓનલાઈન મળે.
