ગુજરાત વિધાનસભાની ચૂંટણીમાં ડો.પ્રવીણ તોગડિયાની એન્ટ્રી થઈ ગઈ છે. AAPના ઉમેદવાર અલ્પેશ કથીરિયા તોગડિયાને મળ્યા હતા અને તેમની તસવીરો પણ સામે આવી રહી છે. ગુજરાતમાં આગામી વિધાનસભાની ચૂંટણીમાં વરાછા બેઠક ચર્ચાનો વિષય બની છે.
આ બેઠક પર સ્પર્ધા રસપ્રદ બની શકે છે. ચૂંટણી પ્રચારની વચ્ચે AAPના ઉમેદવાર અલ્પેશ કથિરિયા તોગડિયાને મળ્યા છે અને તેમણે પોતે આ મુલાકાતની તસવીર તેમના સોશિયલ મીડિયા એકાઉન્ટ પર પોસ્ટ કરી છે. ફોટો શેર કરતી વખતે અલ્પેશ કથીરિયાએ લખ્યું કે, આંતરરાષ્ટ્રીય હિંદુ કાઉન્સિલના પ્રમુખ અને હિંદુ હૃદય સમ્રાટ ડૉ. પ્રવીણ તોગડિયા સાથે મુલાકાત કરી. તોગડિયાએ વિજયી થવા આશિર્વાદ આપ્યા છે. પ્રથમ તસવીરમાં અલ્પેશ તોગડિયા સાથે વાત કરતો જોવા મળ્યો હતો. બીજી તસવીરમાં તોગડિયા અને અલ્પેશ ખૂબ જ ખુશ દેખાઈ રહ્યા છે.
આ સીટ પર બીજેપી અને આમ આદમી પાર્ટી વચ્ચે ગાઢ મુકાબલો થઈ શકે છે. આ બેઠક પર વિજયનો ઝંડો ફરકાવવામાં કોઈ કમી બાકી ન રહે તે માટે તમામ ઉમેદવારોએ પોતાની પૂરી તાકાત લગાવી દીધી છે. હવે ગુજરાતના ચૂંટણી જંગમાં સુરતમાં આંતરરાષ્ટ્રીય હિન્દુ પરિષદના પ્રમુખ ડો.પ્રવીણ તોગડિયાની એન્ટ્રી થઈ છે.
ગત ચૂંટણી સમયે પાટીદાર અનામત આંદોલનમાં ભાગ લેનાર અગ્રણી પાટીદાર નેતા અલ્પેશ કથીરિયા પાસ સમિતિના કન્વીનર છે. જેઓ આ વખતે આપ પાર્ટીથી જોડાઈને ચૂંટણી સુરતની બેઠક પરથી લડી રહ્યા છે.
